Bashkia e Tiranës ka vendosur në 4 pika të kryeqytetit tabela elektronike, të cilat numërojnë biçikletat që kalojnë. Këto pika gjenden në:
- Blv “Dëshmorët e Kombit”
- Rr e Kavajës
- Rr “Luigj Gurakuqi”
- Rr “ Abdyl Frashëri”
Dy të parat kanë nisur të funksionojnë në Janar 2021 ndërsa dy të dytat në Shtator 2021.Që prej muajit Tetor 2023 tabela elektronike në Rr.“Abdyl Frashëri” nuk funksionon më.
Sipas platfomës Eco-Visio që gjeneron të dhënat e këtyre tabelave, gjatë periudhës Janar-Dhjetor 2023 në këto 4 pika kanë kaluar gjithsej 2,699,985 biçikleta.Pika më e frekuentuar është Rruga e Kavajës ku kanë kaluar 1,154,700 biçikleta ndërsa pika më pak e frekuentuar është Bulevardi “Dëshmorët e Kombit” përgjatë të cilës kanë kaluar gjithsej 213,153 biçikleta.
Dita me fluksin më të lartë të biçikletave ka qenë data 9 Tetor 2023 ku në pikën e vendosur në Rrugën e Kavajës kanë kaluar 4,992 biçikleta.
Muaji Qershor është muaji ku biçikletat janë përdorur më shumë në të katërta pikat. Ditët më të frekuentuara janë ditët e javës nga e Marta dhe e Enjtja, ku piku i lëvizjes është në mëngjes rreth orës 8:00 dhe në mbasdite rreth orës 4:00 e 5:00. Në fundjavë piku i lëvizjes është paradite rreth orës 11:00 dhe në mbasdite rreth orës 7:00.
Grafiku më poshtë paraqet biçikletat që kanë kaluar në secilën pikë për muajt Janar-Dhjetor 2023.
