Bazuar në raportimin e Drejtorisë së Përgjithshme të Gjendjes Civile, popullsia e Tiranës në vitin 2021 rezulton 863 694 banorë duke pësuar një rritje me 1.5%, krahasuar me vitin 2020 ose 13,164 banorë, ku gjatë vitit 2021, shtesa natyrore e popullsisë është 1,184 banorë (Lindje-Vdekje), duke pësuar një rënie prej 6.3%, krahasuar me një vit më pare. Dendësia e popullisë së Tiranës u rrit me rreth 8 banorë për km2 duke arritur në 777 banorë/km2

Lindjet dhe vdekjet janë dy komponentë që ndikojnë në ndryshimin e popullsisë. Ndryshimi vjetor i banorve është me 13 164 banorë. Ndryshimi si pasojë e diferencës së lindjeve me vdekjet është 1,184 banorë ose përafërsisht 1 banorë shtesë për cdo 1 km. Numri i lindjeve rezultoi 7,356 dhe numri i vdekjeve ishte 6,172 ose 6 humbje për 1000 banorë.
Numri i familjeve është një tjetër tregues i cili ka ardhur me rritje çdo vit për Bashkinë e Tiranës. Gjatë 2020, sipas DPGJC, numri i familjeve arriti në 309,179 familje nga 301,014 familje që ishte në 2020, pra +2.7%. Bazuar dhe në numrin e popullsisë rezulton që një familje ka 2.7 banorë.
Mesatarisht një familje në Tiranë ka 3 anëtarë.
Sipas Drejtorisë së Përgjithshme të Gjendjes Civile, gjatë viti 2021, Bashkia Tiranë me një sipërfaqe prej 1,111.00 km2 ka:

Popullsia

• Popullsi prej 863,694 banorësh nga 850,530 banorë në vitin 2020 ose ndryshim 1.5% krahasuar me vitin e kaluar.
• Dendësi popullsie prej 777 banorë/km2

Gjinia

•  50.1% të popullsisë femra dhe 49.9 të popullsisë meshkuj

Grupmosha

• 17.5% të popullsisë të rinj (0-14 vjeç)
• 70% të popullsisë janë në moshë pune (15-64 vjeç)
• 12.5% të popullsisë të moshuar (65 + vjeç)
• Rreth 46.3% të popullsisë nën 35 vjeç
• Rreth 24% të banorëve mbi 55 vjeç
• Raport varësie moshore prej 44.5% (21.7% për të rinjtë dhe 22.8% për të moshuarit). Në vend, Shqipëri, këto raporte janë 46.2% (24.6% për të rinjtë dhe 21.6% për të moshuarit) Ndërkohë në bashkinë e Tiranës 41.6% (17.4% për të rinjtë dhe 24.2% për të moshuarit).

Ndryshimi vjetor i popullsisë

• Popullsi të shtuar gjatë vitit me 13,164 banorë ose e llogaritur ndryshe 37 banorë/ditë
• Popullsi të shtuar gjatë vitit me përafërisht 12 banorë/km2

Shtesa natyrore, Lindje-vdekje

• Shtim vjetor popullsie nga shtesa natyrore prej 1,184 banorë
• 7,356 lindje nga 7,073 lindje qe ishin ne vitin 2020.
• 6,172 vdekje ose 6 humbje për 1000 banorë duke u rritur me 6.2% krahasuar me nje vit me pare.

Familjet

• 309,179 familje ose 278 familje për km2 me rreth 2.8 anëtarë/familje

Statusi i gjendjes civile, martesa dhe divorce

• 3822 martesa ose +9.2% krahasuar me një vit më parë
• 1863 divorce ose +39% krahasuar me një vit më pare

Mosha Mesatare

• Mosha mesatare e popullsisë së Tiranës është rritur nga afërsisht 36.4 vjeç në vitin 2020 në afërsisht 36.6 vjeç në vitin 2021. Banorët me moshën mesatare me të re e ka Lagjia 13 me 31.5 vjeç, ndersa mosha mesatare me vjetër e ka Njësia Administrative nr 4 me moshë mesatare 40 vjeç.