Transporti publik

Shërbimi i transportit publik është një element i rendësishëm i jetës në qytet. Banorët e qytetit të Tiranës mund të aksesojnë 15 linja të ndryshme të autobusëve në 11 njësitë administrative urbane si edhe disa linja të tjera për ish-komunat e Tiranës si Linzë, Mjull-Bathore, Bërzhitë, Shëngjergj etj.
Nuk ka ende një terminal të përbashkët por përgjithësisht të gjitha linjat kalojnë afër sheshit Skënderbej. Biletat kushtojnë 40 lekë dhe orari i transporti publik është 06:00 am- 11:00 pm, pra fillon në 6 të mëngjesit deri në 11 të mbrëmjes çdo ditë (pavarësisht festave ose ditës së javës). Pritja në stacion mund të variojë nga 3 deri në 13 minuta sipas linjave të autobuseve. Linja më e shpeshtë është Linja 15 Kombinat Kinostudio dhe linjat më pak frekuente janë ato që shkojnë në njësitë administrative rurale.
Në pranverë të 2016 u bënë disa ndryshime në lidhje me infrastrukturën e transportit në qytet duke shtuar kapilarët e shërbimit të transportit publik si dhe duke ndryshuar disa linja ekzistuese. U shtuan tre linja të reja të shërbimit të transportit qytetas në Tiranë si dhe u rrit numri i autobusëve për linjat ekzistuese.

Agjencia e Mbrojtjes së Konsumatorit, AMK është institucioni përgjegjës që kontrollon shërbimet e ofruara nga operatorët e transportit publik në zbatim të kontratës dhe të akteve të Këshillit Bashkiak si edhe:
* planifikon dhe organizon kontrollin e shërbimit urban qytetas, rrethqytetas dhe ndërqytetas;
* monitoron, kontrollon dhe merr masa në lidhje me respektimin e detyrimeve kontraktuale në lidhje me ofrimin e shërbimit të transportit publik nga ana e operatorëve që veprojnë;
* monitoron dhe kontrollon subjektet që ofrojnë shërbimin taksi;
* monitoron dhe kontrollon shërbimin e ofruar ndaj qytetarëve nga agjencia.

Linja 1
Selitë-Kristal-Qendër-Stacioni i Trenit-Allias

Linja 4
Qendër-QTU-Megatek-CityPark

Linja 7
Tufinë-Qendër

Linja 10
Mihal Grameno-Marteniteti Ri-Ish F.Aviacionit

Linja 13
Tirana e Re

Linja 2
Teg-Sauk-Kopshti Zoologjik-Ish Stacioni Trenit

Linja 5
Ish Kombinati i Autotraktorëve-Institut

Linja 8
Ish St Trenit-Qendër-Sauk-Sanatorium-Teg

Linja 11
Porcelan-Qendër

Linja 14
Unaza

Linja 3
Kashar-Yzberisht-Qendër

Linja 6
Laprakë-Qendër

Linja 9
Qyteti Studenti-Jordan Misja

Linja 12
Uzina Dinamo e Re-Sharrë-5 Maji

Linja 15
Kombinat-Kinostudio

Intinerari i linjave të transportit publik në Tiranë si edhe shpërndarja e Stacioneve

Terminali i Autobusave Ndërqytetas

Vendodhja e semaforëve në kryqëzimet e Tiranës