Njësitë administrative të Bashkisë Tiranë

Ndarja administrative e Shqipërisë ka pësuar ndryshime të vazhdueshme si për sa i përket shtrirjes gjeografike, ashtu edhe funksioneve të strukturave. Në 31 korrik 2014, me vendim të Parlamentit Shqiptar, u miratua organizimi i ri administrativo-territorial që e ndan vendin në 12 qarqe, 61 bashki dhe nën ndarjet të tjera të parashikuara në ligjin 115/2014 “Për ndarjen administrativo - territoriale të njësive të qeverisjes vendore në Republikën e Shqipërisë”.

Me ligjin e ri, bashkia e Tiranës formohet nga bashkimi i 13 ish-komunave dhe bashkisë Tiranë, teksa njësitë e mëparshme minibashkiake kanë ndërruar emërtim dhe funksion, pasi tani ato kanë statusin e njësive administrative. Deri në vitin 2014, Bashkia e Tiranës zinte një sipërfaqe për rrëth 41.8 km2 dhe përfaqësonte 3.4 % të rrethit të Tiranës. Me ndarjen e re administrative në 2015 Bashkia e Tiranës ka rritur me 27 herë territorin e saj dhe ka afërsisht një sipërfaqe rreth 1,111 km2. Ndërsa me vendimin e fundit të Këshillit të Ministrave numër 360 i datë 29 Maj 2019 territori i bashkisë Tiranë arrin një sipërfaqe prej 1120.91 km2.

Bashkia e Tiranës ndodhet në qarkun e Tiranës ku përveç saj janë dhe katër bashki të tjera, Kamza, Kavaja, Rrogozhina dhe Vora. Në përbërjen e vet Bashkia e Tiranës ka 11 njësi administrative urbane, 13 njësi rurale dhe 3 lagje si edhe krahas qytetit të Tiranës ka dhe Krrabën dhe rreth 136 fshatra, lista e të cilave mund të aksesohet këtu

Më poshtë gjeni ndarjen e Tiranës në njësi administrative. Për të ngarkuar hartën e secilës prej njësive në format geojson, duhet të klikon i tek dataset-i: Ndarja administrative e Tiranës, ndërsa nëse doni të dini më shumë informacion mbi të dhënat demografike sipas njësive klikoni në kategorinë Demografia.